Namahagi noong ika-6 ng Pebrero 2025, ang Commission on Higher Education (CHED) ng Tertiary Education Subsidy (TES) grants at iba pang scholarship opportunities bilang bahagi ng ‘LAB for All’ initiative ng Unang Ginang Louise Araneta-Marcos sa Pavilion 1 ng St. Vincent Ferrer Prayer Park.
Bukod dito, nagkaroon din ng scholarship campaign ang ahensya upang mas maipaalam sa maraming estudyante ang tungkol sa iba’t ibang programa ng CHED na naglalayong suportahan ang mga Pilipinong nangangarap ng mas mataas na edukasyon.
Dahil sa programang ito, maraming estudyante ang nabigyan ng bagong pag-asa upang maipagpatuloy ang kanilang pangarap na makatapos ng pag-aaral at magkaroon ng mas magandang kinabukasan. (KB/RSO; JMB)
