Dahil sa patuloy na pagtaas ng kaso ng HIV-AIDS sa Pangasinan at sa bayan ng Bayambang, inaabisuhan ang lahat na alamin ang tamang impormasyon ukol sa HIV-AIDS.
Ang human immunodeficiency virus o HIV, kapag napabayaan, ay maaaring humantong sa mas malalang kundisyon na Acquired Immunodeficiency Syndrome (AIDS).
NAIPAPASA ANG HIV sa:
Hindi protektadong pakikipagtalik;
Pagbubuntis, pagkatapos manganak, pati pagpapasuso; at
Pagsasalin ng dugo at paggamit ng hindi malinis (non-sterile) na mga karayom (needles/syringes).
HINDI NAIPAPASA ANG HIV sa:
Pisikal na hawakan,
Yakapan o halikan,
Mga damit o kasuotan,
Pagkain o gamit sa pagkain,
Kagat ng insekto.
BAWASAN ANG PANGANIB NG PAGKAKAROON NG HIV:
Maging tapat sa asawa o kinakasama.
Huwag makipagtalik sa kung kani-kanino.
Magpa-HIV test, may nararamdaman man o wala, lalo na kung mayroong risks kaugnay sa posibleng pagkakaroon ng HIV.
Alamin ang tamang impormasyon tungkol sa HIV.
