RDANA Team mula sa Rehiyon at Probinsya, Bumisita para sa Pagtatasa ng Pinsala

Dahil sa naging pananalasa ng mga bagyong ‘Crising,’ ‘Dante,’ at ‘Emong’ at pag-ulan dulot ng southwest monsoon, dumating noong Hulyo 29, 2025, ang team mula sa rehiyon at probinsya para magsagawa ng Rapid Damage Assessment and Needs Analysis o RDANA sa bayan ng Bayambang.

‎Kasama ang Municipal Disaster Risk Reduction and Management Council (MDRRMC) Bayambang, sinuri nila ang lawak ng pinsala at tinukoy ang mga agarang pangangailangan ng mga apektadong barangay.

‎Layon ng RDANA na magsilbing batayan ng mga isusunod na tulong at aksyon ng gobyerno.

Kabilang sa bumisitang inspection regional team ang OCD, DILG, DSWD, BFAR, DENR-MGB, DPWH, at PDRRMO-Pangasinan.

Patuloy ang panawagan ng lokal na pamahalaan sa mga barangay na makipag-ugnayan at magsumite ng ulat ukol sa pinsalang dulot ng pagbaha upang maisama sa kabuuang assessment. (RGDS/RSO; MDRRMO, JMB)