Dinagsa ng mga residente ng Brgy. Tococ East, mula sa mga opisyal, magulang, kabataan, hanggang sa senior citizens ang isinagawang “Your Name, Your Right” program nitong May 5, 2026. Ipinakita nito ang matinding interes ng komunidad sa mga serbisyong sibil at legal na direktang nakakatulong sa kanilang pang-araw-araw na buhay.
Pinangunahan ni Punong Barangay Hon. Roy V. Camacho ang programa sa kanyang pagbati, habang nagbahagi naman si Municipal Civil Registrar Ismael D. Malicdem Jr. ng malinaw at madaling maintindihang paliwanag tungkol sa civil registration laws at mga bagong update mula sa Philippine Statistics Authority (PSA).
Hindi lang impormasyon ang hatid ng programa, may libreng serbisyo tulad ng mga sumusunod:
• Late registration ng birth, marriage, at death
• Birth Registration Assistance Project (BRAP)
• Pagwawasto ng maling detalye sa dokumento
• Acknowledgment of Paternity
• Paggamit ng apelyido ng ama para sa mga batang ipinanganak sa labas ng kasal
• Legitimation at supplemental report
Samantala, 23 na residente ang na-upgrade ang kanilang Community Service Card sa tulong ng ICTO, isang hakbang na magpapabilis sa pagkuha ng tulong pinansyal mula sa pamahalaan sa pamamagitan ng LGU at GCash.
Sa kabuuan, naging matagumpay ang programa at muling pinatunayan na ang serbisyong sibil ay hindi na kailangang puntahan, LCRO na mismo ang lumalapit sa mamamayan.
