Upang higit pang mapalakas ang pangangalaga sa kalikasan at matiyak ang maayos na pagpapatupad ng mga batas kaugnay ng pagmimina at quarrying, nagsagawa ang Pamahalaang Bayan ng Bayambang ng isang Technical Working Group (TWG) Meeting on Mining and Quarrying Activities ngayong araw, Hulyo 22, 2026, sa Mayor’s Conference Room.
Ang pagpupulong ay alinsunod sa Executive Order No. 44, Series of 2026, na lumilikha sa Technical Working Group para sa pagmimina at quarrying sa bayan.
Dumalo rito ang mga kinatawan mula sa iba’t ibang Philippine National Police, Liga ng mga Barangay, Municipal Engineering Office, MENRO, MDRRMO, MPDO, MTO, mga lider ng transport sector, kinatawan ng Rotary Club of Bayambang, Federation of Agricultural and Rural Management Councils (FARMC), at mga Punong Barangay mula sa mga lugar na may kaugnayan sa usapin.
Sa pulong, tinalakay ang mga probisyon ng EO #44, gayundin ang mga tungkulin at pananagutan ng bawat kasaping tanggapan at miyembro ng TWG.
Napag-usapan din ang pagbuo ng mga pamantayan sa monitoring at pag-uulat ng mga operasyon ng pagmimina at quarrying upang maging pare-pareho at mas epektibo ang pagpapatupad nito. You can add this concise sentence to the report:
Ayon sa MPDC, sa depinisyon ng DENR, ang quarrying ay isang uri ng surface mining na nakatuon sa pagkuha ng mga materyales sa konstruksyon at industriya tulad ng bato, buhangin, at graba, samantalang ang mining ay mas malawak na termino na sumasaklaw sa pagkuha ng iba’t ibang yamang mineral sa pamamagitan ng surface o underground mining methods.
Kabilang din sa naging agenda ang pagtatatag ng malinaw na sistema ng reporting, mga dokumentasyong kinakailangan, mekanismo ng koordinasyon ng mga kinauukulang opisina, at mga umiiral na bayarin at singilin kaugnay ng naturang mga aktibidad.
Ayon sa pamahalaang bayan, mahalaga ang pagkakaisa ng iba’t ibang sektor upang mapanatili ang responsableng paggamit ng likas na yaman habang pinangangalagaan ang kaligtasan ng mamamayan at ang kapaligiran. Sa pamamagitan ng Technical Working Group, inaasahang higit pang paiigtingin ang regulasyon, pagsubaybay, at pagpapatupad ng mga polisiya hinggil sa pagmimina at quarrying sa Bayambang. (RSO; ESWMO)
