Isang orientation activity ang isinagawa ng Municipal Nutrition Action Office ukol sa Philippine Integrated Management of Acute Malnutrition (PIMAM) mula March 25 hanggang March 26, 2024 sa Function Hall ng Gina’s Events Garden Resort at sa Balon Bayambang Events Center.
Ito ay dinaluhan ng mga nurse, midwife, BNS, District Nutrition Program Coordinator, ilang miyembro ng Municipal Nutrition Committee ng LGU, at maging isang District Nurse Supervisor mula sa BDH.
Ipinaunawa ng mga resource speaker na sina Pangasinan Provincial Hospital Medical Officer III, Dr. Ma. Cecilia P. Nerona, Provincial Health Office Nutritionist-Dietitian Jhonelyn D. Prado, at RHU II Public Health Nurse Lady Philina Duque ang bawat aspeto ng PIMAM. Kabilang sa kanilang naging paksa ang “Introduction to PIMAM,” “Identification of GAM (SAM & MAM),” “Community Mobilization,” “Management of PIMAM,” “Outpatient Therapeutic Care,” “Inpatients Therapeutic Care,” “Counseling and Education,” at “Management of Moderate Acute Malnutrition.”
Sa ganitong orientation, inaasahan na mas lalawak ang kaalaman ng mga kalahok sa management ng mga kaso ng acute malnutriton sa Bayambang.
(Vernaliza M. Ferrer/RSO; larawan: MNAO)
