Ang Municipal Tourism, Culture and Information Affairs Office (MTICAO), Municipal Museum, at Bayambang Municipal Council for Culture and Arts (BMCCA) ay dumalo sa inaugural Ling̃áy Professorial Lecture sa Sison Auditorium, Lingayen, ngayong araw, Agosto 17, 2026, bilang bahagi ng pakikilahok ng bayan ng Bayambang sa mga gawaing nagtataguyod ng pagpapahalaga, pag-aaral, at pangangalaga sa kasaysayan at pamanang kultural ng Pangasinan.
Kabilang sa mga dumalo sina BMCCA Executive Director, Prof. Januario Cuchapin, Dr. Annie Manalang, Dr. Leticia Ursua, at SVCSBI Principal Edgardo Salinas, na pawang mga miyembro rin ng Santuario de San Vicente Ferrer Ministry on Historical and Cultural Heritage. Kasama nila si Moises Palisoc, Custodian ng Municipal Museum. Naroon din si Prof. Rosabella A. Mendez mula naman sa PSU-Bayambang Campus.
Sila ay nakinig sa mensahe ni Most Rev. Socrates B. Villegas, D.D., Archbishop of Lingayen-Dagupan, ukol sa kahalagahan ng pag-aral sa lokal na kasaysayan, partikular na ang kasaysayan ng pananampalataya at pamanang eklesiastikal ng Pangasinan.
At siyempre, natuto rin sila ng mga bagong kaalaman mula sa mga lektura nina Prof. Regalado Trota Jose Jr., Chairman ng National Historical Commission of the Philippines, at Rev. Fr. Wilhelm Boñon, OP, Provincial Archivist ng Dominican Province of the Philippines, ang mga nagsilbing pangunahing tagapagsalita.
Tinalakay ni Prof. Jose ang “Church Art and Architecture of the Spanish Period: The Cultural Heritage of the Old Diocese of Lingayen,” habang inilahad naman ni Fr. Boñon ang “The Dominicans in Pangasinan: Tracing the Two Waves of the Dominican Mission Expansion in Pangasinan (1587–1627).” (RSO; MP)
