Bilang bahagi pa rin ng pagdiriwang ng Fire Prevention Month, nagsagawa ng Open House ang Bayambang Fire Station mula March 11 hanggang 13.
Bumisita ang mga mag-aaral mula sa Bayambang Central School, PSU Laboratory Elementary School, at Bani Elementary School at personal na nakita at nahawakan ang kagamitan ng fire station at nakahalubilo ang mga bumbero at bumbera.
Sa aktibidad na ito, itinaguyod ang kamalayan ng mga kabataan tungkol sa kaligtasan laban sa sunog sa pamamagitan ng pagpapakilala ng mga pangunahing kaalaman sa pag-iwas sa sunog at mga tamang hakbang sa pagtugon sa emerhensiya sa isang masaya at nakakaengganyong paraan.
Nakatulong din ang aktibidad upang mabawasan ang takot o pagkailang ng mga kabataan sa mga bumbero at sa mga kagamitang pang-emerhensiya sa pamamagitan ng pagbibigay sa kanila ng pagkakataong makita, masiyasat, at makipag-ugnayan sa mga fire truck, kagamitan, at protective gear.
Sa huli ay nahikayat sila na maging maingat sa kaligtasan mula sa murang edad sa pamamagitan ng mga demonstrasyon, pagkukuwento, at mga interaktibong gawain sa pagkatuto. (RSO; BFP)
