Isang paligsahan sa men’s basketball “with a twist” sa pagitan ng Team LGU at Team National Agencies ang isinagawa kahapon, March 19, 2024, bilang suporta ng mga atleta sa mga kababaihan sa pagdiriwang ng Women’s Month.
Ang bawat miyembro ng dalawang koponan ay nagbestida, umawra, at rumampa, at may iba na naka-duck hairclip pa.
Mahinhin, demure, o maharot man, umani ang mga manlalaro ng masasayang hiyawan mula sa mga manonood sa loob ng Events Center at online habang inilalagay nila ang kanilang sarili sa estado ng kababaihan.
Sa pagtatapos ng laban, ang Team LGU ang nagwagi, 94-85, subalit ang parehong koponan ay maituturing na panalo sa pagpapakita ng pakikisama, sportsmanship, at pagpapahalaga ng kalalakihan sa kababaihan.
(ni Eduardo P. Sison II at Resty S. Odon; larawan: Ace Gloria)
