Nagmistulang makulay na hardin ng mga gulay at prutas ang Balon Bayambang Events Center nang magbihis bilang iba’t ibang masusustansiyang pagkain ang mga batang mula sa Municipal Child Development Center sa ginanap na Nutrition Month Celebration 2026 na may temang “Nutrisyon at Kalikasan, Ating Pangalagaan,” nitong July 28, 2026.
Pinangunahan ni Gegie O. Rebamontan ng Municipal Child Development Center, katuwang ang Municipal ECCD Council, ang programa na may layuning palakasin ang kamalayan ng mga chikiting sa kahalagahan ng wastong nutrisyon at pangangalaga sa kalikasan.
Sa kanilang mga inspirasyunal na mensahe, binigyang-diin nina Mayor Niña Jose-Quiambao at Vice-Mayor Ian Camille C. Sabangan, na kinatawan ni Ms. Victoria Malagotnot, ang ugnayan ng kalusugan at pangangalaga sa kalikasan.
Ipinaalala naman ni Municipal Administrator, Atty. Rodelynn Rajini Sagarino-Vidad, ang kahalagahan ng paghubog sa murang edad ng tamang kaalaman sa nutrisyon at paghikayat sa mga bata na maging malikhain sa paghahanda ng masusustansiyang pagkain.
Sa naturang patimpalak, ipinamalas ng mga batang kalahok ang kanilang galing sa paggawa ng healthy snacks, healthy sip, at creative healthy plating gamit ang mga lokal at masusustansiyang sangkap.
Itinanghal na nagwagi ang mga sumusunod:
BEST HEALTHY FOOD COSTUME; 1. Aleiah Presteena Obeda; 2. Fyrho Xaiden Esteban; 3. Ysabella Edelle Gacutan
MR. LITTLE CHEF 2026: Fyrho Xaiden Esteban
MS. LITTLE CHEF 2026: Zephaniah Elijah Romano
MOST CHILD-FRIENDLY RECIPE: GROUP 2: 1. Amelie Rhazie Terrado; 2. Seah Zamari Payomo; 3. Ylora Qwynn Ferrer; 4. Merk Brylle Serafica; 5. Karish Ria de Guzman; 6. Iyah Wynette Tandoc
BEST HEALTHY SNACK: GROUP 6: 1. Zephaniah Elijah Romano; 2. Kentavious Garcia; 3. Isaiah Gaille Rayray; 4. Eamon Dray Junio; 5. Keryx Rayleigh Quiton
MOST CREATIVE HEALTHY PLATING & BEST HEALTHY SIP: GROUP 3: 1. Aleiah Presteena Obeda; 2. Chloe Lois Ramos; 3. Thaliah De Guzman; 4. Fyrho Xaiden Esteban; 5. Jilliane Reign Todio
Nagsilbing Board of Judges sina Municipal Nutrition Action Officer Venus M. Bueno, Mayor’s Action Center Head Josie Niverba, at ECCD Focal Person Marvin Bautista, bago tuluyang sinimulan ang “Healthy Food Costume Showcase” at ang “Little Chef Cookfest: Healthy, Nutritious, and Delicious.” (RGDS/RSO; JMB)
