Ang LGU-Bayambang ang naging kalahok sa 3-Day Induction Program for Local ECCD Service Providers nitong July 28-30, 2026 sa Grand Lourds Hotel, Calasiao.
Ang seminar na ito ay idinisenyo upang higit pang mapalawak ang kaalaman at mapaunlad ang kakayahan ng ating mga lokal na ECCD service providers sa epektibong pagpapatupad ng mga programa para sa maagang pag-aalaga at pag-unlad ng mga bata.
Sa loob ng tatlong araw, nakatakdang magkaroon ang mga partisipante ng pagkakataong talakayin ang mahahalagang isyu, magbahagi ng mga karanasan at pinakamahusay na mga gawain, at sama-samang bumuo ng mga estratehiya para sa mas mahusay na paghahatid ng mga serbisyo sa ating mga komunidad.
Bilang gabay sa pagpapalakas ng mga programa at sa pagbuo ng mga kongkretong hakbang upang matugunan ang mga pangangailangan ng mga bata at kanilang mga pamilya, kabilang sa mga pangunahing paksa ang The Way Forward, Assessing Our ECCD Municipality and City, Empowering ECCD in Nutrition and Social Service, Empowering ECCD, at ang Local Development Action Plan.
Kabilang sa mga lumahok sina Dr. Mariz Cabuag mula RHU, Abigail Pangilinan, sekretarya ni SBM Jocelyn Espejo, Sergio delos Santos, OIC Liga Secretary bilang kinatawan ni SBM Rodelito Bautista, CDW President at Vice-President, MNAO staff, at BHW President, at nagbigay naman ng suporta si MSWD Officer Kimberly P. Basco at ECCD Focal Person Marvin Bautista.
Naging resource Speaker mula sa National Nutrition Council sina Ms. Naprel Dimaano, Planning Officer, Ms. Khara Uy, Program Development Officer, National Nutrition Council Region I Nutrition Officer III, Kendall Pilgrim A. Gatan, at Ms. Clarivel Banzuela ng DSWD.(SDS/RSO; SDS)
