Muli na namang nadagdagan ang kaalaman ng mga LGU department at unit heads nang sila ay umattend ng bagong seminar na inorganisa para sa kanila ng HRMO. Ang seminar na ginanap sa Mayor’s Conference Room noong October 11, 2023, ay may titulong,
“Leadership Journey,” kung saan naging resource speaker ang mismong Regional Director ng Civil Service Commission na si Dir. Hedy Jose Lardizabal. Tinalakay ni Dir. Lardizabal ang iba’t-ibang teorya at pag-aaral ukol sa pagiging lider, na nagpamulat sa mga mata ng the department at unit heads ukol sa mabigat na papel na kanilang ginagampanan.
Sa mensahe ni Vice Mayor IC Sabangan, na inihatid ni VMO Secretary Victoria J. Malagotnot, nasabi niyang “Leadership is not about titles or authority, it’s about the impact you make, the lives you inspire, and the positive change you bring to the community and to the world. Every great leader began as a follower, learning and growing along the way.” Sinabi naman ni Municipal Administrator, Atty. Rodelynn Rajini S. Vidad, na ang maraming awards na nakamit ng LGU-Bayambang ay dahil sa epektibong pamumuno ng administrasyong Quiambao-Sabangan. “Leadership is important in achieving excellence, and it is because of the efforts of our leaders and the department heads that this has been realized.”
