Sa ika-walong taon ng Pamaskong Handog ng Team Quiambao-Sabangan, damang-dama muli ang diwa ng pagbibigayan at pagmahahalan.
Sa loob ng dalawang linggo, ang higit 42,000 na kabahayan sa 77 barangay ng Bayambang ay mabibiyayan ng maagang pamasko.
Ang programang Pamaskong Handog ay sinimulan ni former mayor, Dr. Cezar Quiambao, nang ito ay maupo bilang alkalde noong 2016 at ipinagpapatuloy ngayon ng kaniyang kabiyak.
Ang pamamahagi ng noche buena package ay sinimulan noong November 25, 2024 sa Pavilion I ng St. Vincent Ferrer Prayer Park at nakatakdang magtapos sa December 5, 2024.
Kasama sa ceremonial distribution ang buong Team Quiambao-Sabangan sa pangunguna ni Mayor Niña Jose-Quiambao, Vice-Mayor Ian Camille ‘IC’ Sabangan, at ang mga konsehal ng bayan.
Ang lahat ng sambahayang nabiyayaan ng handog na pamasko ay nagpapasalamat dahil siguradong may ihahain sa hapag ang kanilang pamilya sa araw ng Kapaskuhan. (Vernaliza M. Ferrer/RSO; JMB)
