Noong March 19, 2025, nagkaroon ng emergency meeting via Zoom video ang LGU, sa pangunguna ni Mayor Niña Jose-Quiambao, kasama ang MDRRM Council at mga pinuno ng lahat ng paaralan sa Bayambang sa lahat ng antas.
Ito ay upang kumustahin ang lahat at talakayin ang mga ginagawang hakbang kaugnay sa patuloy na pagtaas ng heat index, pati na ang anumang tala ng pagkahilo.
Inabisuhan ang lahat na gawin ang nararapat upang makaiwas sa anumang sakuna kaakibat ng sobrang init na sikat ng araw, at agad makipagtulungan sa mga awtoridad kung sakaling may pangangailangan.
May 78 na dumalo sa pagpupulong, 69 sa hanay ng mga guro at 9 sa hanay ng MDRRM Council. (RSO; MTICAO-PIO)
