Bilang bahagi ng pagdiriwang ng National Disaster Resilience Month 2026, pormal na binuksan ang DRRM Exhibit ng Municipal Disaster Risk Reduction and Management Office (MDRRMO)-Bayambang sa Balon Bayambang Events Center ngayong araw, July 17, 2026.
Sa ilalim ng temang “Naghahanda at Kumikilos tungo sa Panatag na Bagong Pilipinas,” layunin ng exhibit na palawakin ang kamalayan ng mamamayan hinggil sa kahalagahan ng kahandaan, pagtugon, at katatagan sa harap ng mga kalamidad at iba pang sakuna.
Kabilang sa mga inimbitahang bumisita ang mga elementary at high school students mula sa mga pribadong paaralan, kanilang mga magulang, mga teaching and non-teaching staff, mga senior citizen, PWD, barangay officials, faith-based groups, at LGU Safety Officers.
Bilang keynote speaker, binigyang-diin ni Mayor Niña Jose-Quiambao sa mga dumalo ang kahalagahan ng pagiging handa sa sakuna.
Tinalakay niya ang wastong pagtugon sa lindol, bagyo, sunog, pagkalunod, at iba pang emergency sa tulong ng MDRRMO at BFP. “We do not just react to tragedies; we strategize, we prepare, and we build a sanctuary of safety for every Bayambangueño,” aniya.
Nagbigay rin ng inspirational message si Vice-Mayor Ian Camille C. Sabangan, habang naghatid ng welcome remarks si Sangguniang Bayan Member Raymund C. Camacho, Chairperson ng Committee on DRRM. Nakiisa rin sina OIC-Municipal Administrator, Atty. Bayani B. Brillante Jr., LDRRM Officer Genevieve N. Uy, at Municipal Fire Marshall, FSInsp. Raymond C. Palisoc.
Tampok sa mga estudyante at barangay officials ang DRRM Exhibit na may interactive at information booths, kabilang ang rescue vehicles and equipment, emergency medical service, Bureau of Fire Protection, training and volunteer registration, camp management, Agno River Rehabilitation Project: bamboo planting, awards and recognition, at games and prizes.
Sa pamamagitan ng mga exhibit na ito, naipakita ang iba’t ibang programa, kagamitan, at inisyatibang nagpapatibay sa disaster preparedness at environmental protection ng bayan. (LFA/RSO; AG, MDRRMO)
