Dalawang centenarian mula sa bayan ng Bayambang ang pinagkalooban ng cash gift sa ilalim ng Republic Act No. 11982 o Expanded Centenarians Act of 2024 noong Agosto 28, 2025.
Kabilang sa mga tumanggap ng insentibo sina G. Eduardo G. Caerlang ng Brgy. Pangdel at Gng. Paula J. Ramos ng Brgy. Tanolong, sa pamamagitan ng isang door-to-door awarding na isinagawa ng mga kinatawan ng National Commission of Senior Citizens at lokal na pamahalaan kabilang ang MSWDO at OSCA.
Ang pagkakaloob ng insentibo isang pagkilala at pagpapahalaga sa mga matatanda na umabot sa gulang na 100 taon, bilang inspirasyon ng tatag at dedikasyon sa kanilang pamilya at komunidad. (RGDS/RSO; MSWDO)
