Pormal na tinanggap ng Bayambang Dairy Farm at Managos Farmers Agriculture Cooperative ang kani-kanilang sertipikasyon bilang mga Learning Site for Agriculture mula sa Agricultural Training Institute – Regional Training Center 1.
Ginanap ang awarding ceremony noong May 21 sa Kasama Kita Sa Barangay Foundation Inc. Dairy Farm na matatagpuan sa Sitio Cayago, Brgy. Mangayao at sa Brgy. Managos.
Tinanggap nina Dr. Romyl Junio at Samuel Lomboy ng KKSBFI at Mr. Juan Paulo Ellorin ng Managos Farmers Agriculture Cooperative ang kani-kanilang certificate para sa Learning Site for Agriculture.
Naroon upang saksikan ang seremonya ang iba’t ibang departamento ng LGU, kabilang na si Dr. Rafael L. Saygo bilang kinatawan ni Mayor Niña Jose-Quiambao at Municipal Cooperative Development Officer Albert Lapurga.
Nagbigay naman ng mensahe si Mark Espino bilang kinatawan ni Municipal Administrator, Atty. Rodelynn Rajini Sagarino-Vidad.
