Isang streetdance festival ang isinagawa noong November 22, 2024, sa Pavilion I ng St. Vincent Ferrer Prayer Park bilang parte pa rin ng Children’s Month Celebration, na may temang “Break the Prevalence, End the Violence: Protecting Children, Creating a Safe Philippines.”
Sa pambungad ng programa ay winelcome ang lahat ni MSWDO Child Development Focal Person, Marvin P. Bautista.
Dumating si Vice-Mayor Ian Camille Sabangan upang magbigay ng kanyang mensahe ng pasasalamat sa mga magulang, Child Development Workers (CDWs) at Child Development Teachers (CDTs) sa kanilang suporta at pagmamahal at pagtulong sa pagtataguyod ng mga karapatan at pangangailangan ng mga bata, partikular na ng mga Child Development Learners (CDLs).
Naroon din sina Coun. Mylvin Junio at Coun. Amory Junio na nagpakita ng kanilang suporta sa aktibidad.
Bawat Child Development Center cluster ay may inirepresentang festival: ang sa Cluster 1 ay Puto Festival, Cluster 2 – Palay Festival, Cluster 3 – Pandan Festival Cluster 4 – Talong Festival, Cluster 5 – Sigay Festival, Cluster 6 – Mango-Bamboo Festival, Cluster 7 – Malangsi Festival, at Cluster 8 – Sunflower Festival.
Itinanghal na kampeon ang Cluster 6-Mango-Bamboo Festival (88%), at 1st placer naman ang Cluster 8-Sunflower Festival (84.33%), habang 2nd placer ang Cluster 2-Palay Festival (84%).
Hindi naman umuwing bigo ang limang cluster na hindi pinalad, dahil sila ay nakatanggap din ng tig-P1,000 bilang consolation prize.
Nagbigay naman ng adisyunal na P5,000 si Vice-Mayor IC at P1,000 si Coun. Amory Junio para sa prizes na ikinatuwa naman ng mga kalahok.
Nagsilbing hurado sa patimpalak sina LGU-Calasiao teacher, Carolina Jorgio, Mangatarem LGBTQI Vice President Mitch Costanilla, at Sangguniang Kabataan Federation Vice-President John Roy Jalac.
Di naman nagpatalo sa hatawan ang CDTs/CDWs sa kanilang Dance Intermission number.
Pagkatapos ng Street Dance Festival sa umaga, koronasyon naman ng Mr. and Ms. Pre-Kindergarten 2024 ang ginanap ng hapon, kung saan itinanghal na King Mr. Pre-Kindergarten 2024 si Jovanne Ian B. Bombiza at Queen Ms. Pre-Kindergarten 2024 naman si Caruella Antheia P. Buquir.
Kabilang din sa mga binigyang parangal ang mga reigning beauties and escorts na sina Mr. and Ms. Charity 2024 Paul Zyron Z. Ayate at Cyrille F. Belotindos, Mr. and Ms. Hope 2024 Navin Ford G. Gangat at Vannah Joreign L. Rosario, Mr. and Ms. Peace 2024 Caleb Dwyne R. Soriano at Piona Mae S. Padua, Mr. and Ms. Prosperity 2024 Juan Miguel V. Guevara at Aishah Janna Delos Santos, 5th Prince and 5th Princess 2024 Franz Kaizer R. Hermono at Yahzekiah Jhexine A. Winnie, 4th Prince and 4th Princess 2024 Victorious Zeke A. Arellano at Avionnah Khaite S. Delos Santos, 3rd Prince and 3rd Princess 2024 Eros Matthew S. Galsim at Quin Shannaiah P. Tibay, 2nd Prince and 2nd Princess 2024 Ezekiel H. Serafica at Bella Sophia M. Gabriel, 1st Prince and 1st Princess 2024 Zyron Rae A. Ramos at Olivia Ivanna M. Tagum. (Sharlene Joy Gravidez Gonzales/RSO; Ace Gloria)
