Nakamit ng Local Council for the Protection of Children (LCPC) ng Bayambang ang 93.66% na marka at opisyal na kinilalang “Ideal” sa isinagawang audit ng DILG noong taong 2025.
Ang mataas na rating na ito ay sumasalamin sa epektibong pagpapatupad ng mga polisiya at programang naglalayong pangalagaan ang karapatan ng mga bata laban sa pang-aabuso, kapabayaan, at iba pang banta sa kanilang kaligtasan. Kabilang dito ang pagpapalakas ng child protection mechanisms, aktibong pakikilahok ng mga barangay, at koordinasyon sa iba’t ibang ahensya.
Ang pagkilalang “Ideal” ay hindi lamang karangalan kundi patunay ng dedikasyon ng lokal na pamahalaan sa pagbuo ng isang komunidad kung saan ang bawat bata ay ligtas, protektado, at may pagkakataong umunlad. (RSO; WMC)
