Ngayong araw, April 18, 2024, ang Municipal Library ay nagsagawa ng isang pabasa o reading activity sa Wawa Elementary School, bilang parte ng pagdiriwang ng 65th Public Library Day.
Naging panauhin si Dr. Razeale G. Resultay, isang eksperto sa pagbabasa mula sa PSU Bayambang.
Nakilahok sa aktibidad ang may 54 na Grade I learners. Sila ay binigyan ng mga krayola para sa kanilang handwriting practice gamit ang practice booklet na bigay naman ni Dr. Resultay. Matapos ay binigyan din ang mga mag-aaral ng libreng merienda.
Ang aktibidad ay inorganisa ng Bayambang Municipal Public Library sa pamumuno ni OIC-Municipal Librarian, Atty. Melinda Rose Fernandez, sa pakikipag-ugnayan kay Wawa ES Principal I Joysie dela Cruz. (RSO/JMB)
