Ang Bayambang Poverty Reduction Action Team ay nagpatawag ng pulong kasama ang DSWD-SLP regional at provincial team noong March 5, 2024, sa Mayor’s Conference Room upang talakayin ang nakatakdang 5th DSWD-SLP Congress, isang Sustainable Livelihood Program Trade Fair at Exhibit na gaganapin sa bayan ng Bayambang.
Ang naturang Congress ay isasagawa sa tatlong araw sa bandang buwan ng Mayo upang mamulat ang publiko ukol sa mga aktibidad ng ahensya patungkol sa Sustainable Livelihood Program at ang magagandang naidudulot nito sa mga benepisyaryong 4Ps at sa buong komunidad.
Kasama sa pulong ang Municipal Admnistrator, MSWDO, PESO, DSWD Municipal Links.
Kabilang sa mga exciting activities na nakaline-up ang pagset-up ng mga booth/bazaar/caravan na magbebenta ng iba’t ibang produkto ng mga SLP beneficiaries; workshop-seminar on entrepreneurship, personality development, at career pathing; job fair; at iba pa.
