Pinangunahan ng Public Employment Service Office (PESO) Bayambang, sa pakikipag-ugnayan sa iba’t ibang kumpanya at partner agencies, ang isinagawang Job Fair para sa Local and Overseas Employment ngayong araw, May 28, 2026 sa Pavilion I ng St. Vincent Ferrer Prayer Park.
Dinaluhan ito ng kabuuang 299 na aplikante mula sa 15 local employers at 2 domestic agencies na lumahok sa aktibidad. Sa kabuuan, 39 na aplikante ang naitala bilang hired-on-the-spot (HOTS).
Nagbigay ang job fair ng iba’t ibang bakanteng posisyon kabilang ang service crew, cleaner in charge, cashier, bagger, clerk, customer assistant, production operator, operations assistant, customer service representative, rider, HR assistant, radiologic technologist, hemodialysis technician, at marami pang iba.
Kabilang sa mga kumpanyang lumahok sa aktibidad ang Staff Search Asia Service Cooperative, SM Hypermarket Rosales, One Source General Solution Inc., AILC, Blue Sky Theme Park and Events Center, Sutherland Global Services, Julius K. Quiambao Medical and Wellness Center Inc. (JKQMWCI), VXK Global Holdings, Alfamart, Wheeltek, at iba pa.
Kasabay rin ng aktibidad ang isinagawang Special Recruitment Activity ng Jensen International Corp. na ginanap sa tabi ng PESO Bayambang. (RGDS/SMGC; JMB,PESO Bayambang)
