Ginanap ang 1st quarter meeting ng mga magsasakang Bayambangueño, sa pangunguna ng Agriculture Office, noong January 31, 2024, sa Balon Bayambang Events Center. Ito ay dinaluhan ng iba’t-ibang farmers’ association presidents mula sa walong farming districts ng Bayambang.
Kabilang sa mga napag-usapan ang pag-update ng Municipal Agriculture and Fishery Council profile, ang plano sa gaganaping Farmers’ Day 2024, at ilang agricultural projects sa bayan.
Ayon kay OIC Agriculturist Albert Maiquez, inimbitahan rin sa pulong si National Food Authority (NFA) Warehouse Supervisor Miljoy Fernandez upang ipaliwanag ang Palay Procurement Program ng ahensya, kung saan magisisilbing “ready market” ng mga local farmers ang NFA sa pamamagitan ng direct buying arrangement. (ni Vernaliza M. Ferrer/RSO; larawan ni JMB)
