Isang umaga ng inspirasyon at pag-asa ang naidulot ng proyektong โBuklat Aklatโ ni Mayor Niรฑa Jose-Quiambao sa mga mag-aaral ng Bacnono at Bical Elementary School noong Enero 7, 2025 at Enero 9, 2025.
Ito ay pinangunahan ng Local Youth Development Office (LYDO) at sa pakikipagtulungan ng Sangguniang Kabataan (SK), Binibining Bayambang Foundation, at BPRAT, sa ilalim ng liderato ni Mayor Niรฑa Jose Quiambao.
Sa pamamagitan ng โBuklat Aklat,โ nabigyan ng pagkakataon ang mga bata na makaranas ng kagalakan sa pagbabasa.
Maraming aklat din ang ipinamigay, mula sa mga kuwentong pambata hanggang sa mga aklat na naglalaman ng mahahalagang aralin sa buhay. Hindi lamang ito simpleng pamamahagi ng mga libro; ito ay isang pagtatanim ng pag-ibig sa pagbabasa at pagkatuto sa kanilang murang edad.
Higit pa sa mga aklat, ang โBuklat Aklatโ ay nagdala rin ng mga aktibidad na nagsusulong ng pagkamalikhain at pakikisalamuha. May mga storytelling sessions, interactive games, at mga paligsahan na nagpaunlad sa kanilang mga kasanayan at nagbigay ng pagkakataon sa kanila na makipag-ugnayan sa kanilang mga kapwa mag-aaral.
Makikita sa mga mata ng mga bata ang saya at sigla habang abala sila sa mga aktibidad. Ang kanilang mga ngiti ay nagpapatunay sa tagumpay ng programa. Dahil dito, ang โBuklat Aklatโ ay maituturing ding isang pamumuhunan sa kinabukasan ng mga kabataan, isang pagsisikap na maipundar ang pagmamahal sa pagbabasa at pag-aaral na magiging daan tungo sa isang mas maliwanag na kinabukasan.
Naging guest storyteller si Vice-Mayor Ian Camille Sabangan, at naroon din sina dating Bb. Bayambang, Ms. Jenesse Victoria Mejia, bilang kinatawan ni Municipal Administrator, Atty. Rodelynn Rajini Sagarino Vidad, SK Federation President Marianne Cheska Dulay, Bacnono ES Punong Guro Jenny Marquez, at Bb. Bayambang 2024, Reign Joy Lim.
Ang LYDO at SK ay patuloy na nagpapasalamat sa lahat ng mga taong tumulong sa pagsasakatuparan ng proyektong ito. Umaasa sila na ang โBuklat Aklatโ ay magiging inspirasyon sa iba pang mga komunidad na magpatupad ng mga katulad na programa upang maipamalas ang kahalagahan ng pagbabasa at pag-aaral sa bawat kabataang Bayambangueรฑo. (VMF/RSO; larawan ni: AG)
#TeamQuiambaoSabangan
#TotalQualityService
#Niรฑaarotaka
